早幾日就同史友們介紹到抗日戰爭當中、被稱為「最強漢奸」,但實際出心出力救國嘅夏文遠,而今次阿史就想同大家講一講呢位被稱為抗美援朝最大叛徒嘅人,佢就係谷中蛟。
如果就咁聽到「叛徒」呢個名,可能唔少史友都會以為谷中蛟可能做過一啲投敵嘅事,但實情反而唔係咁簡單,事件就要由一場本來可以避免傷亡慘重嘅戰爭講起。谷中蛟本身係一個幾有文化嘅人,佢喺朝鮮戰場上係擔入第38軍文化教員。而佢之所以會參軍,為嘅並唔係保家衛族,反而係為咗功名,所以佢先至會喺戰爭尾聲選擇加入軍隊。
之不過,時間去到1950年10月1日,當南朝鮮軍越過三八線之後,當時中央就決定派出志願軍作戰,當時谷中蛟所在嘅38軍都有份。得知呢個消息後,谷中蛟就先係扮病逃避戰爭,但後來被軍醫識穿之後只好隨軍隊出發。38軍就算裝備不足亦都遇神殺神,甚至仲被彭德懷稱為「萬歲軍」。
之不過,谷中蛟喺戰爭當中唔單止冇出力,佢每次可以生存都係依靠無數戰友以生命保護,參軍三年冇立過任何戰功。谷中蛟被逼請戰,但又諗盡辦法都無法退出戰場,最後因為棉衣不足嘅問題,喺1952年10月2日主動行到韓軍陣地投降,供出我軍攻打白馬山嘅計劃。雖然我軍已經得知谷中蛟叛變嘅消息,但仍然去攻打白馬山,最後呢場本來可以避免傷亡嘅戰爭,就足足傷亡咗六千幾人。
呢位抗美援朝最大叛徒,最後由美軍送到台灣生活,晚年仲淒慘咁病逝。
原圖嚟自網絡