提起世界各地嘅古董文物,由於有價有市嘅關係,所以都引嚟唔少不法之徒去仿製,企圖可以從中謀利。
按照現今科技,唔少文物都可以被仿製,甚至有部分更可以以假亂真。之不過,有一件禁止出境嘅文物,就號稱係全中國最難仿製嘅文物,呢件文物就係雲紋銅禁。銅禁四周以透雕多層雲紋做裝飾,禁身上部攀附12條龍形異獸,形象相當之生動,加上仲係以失蠟法鑄就而成,工藝相當之複雜。
雲紋銅禁,又叫做淅川出土銅禁,係喺河南省淅川縣楚墓中出土,依家就收藏喺河南博物院。「雲紋」就係指銅器嘅花紋,而「禁」,就係承放酒具嘅案台。咁點解呢件銅器會咁難被假冒呢?原來當銅禁喺1978年出土之時,當時呢件春秋晚期嘅器物就碎成幾百塊,足足用咗兩個麻袋先裝得完,仲要由青銅器修復專家王長青花費四年時間修復成功。
目前出土的雲紋銅禁全國共7件,其中河南博物院珍藏的這件體積最大、時間最早。