尋日Tesla創辦人馬斯克响推特上貼咗首曹植嘅《七步詩》,即時引起唔少網民討論,有人就話可能係同佢被聯合國「逼捐」一事有關。
相信史友們都知,《七步詩》同七步成詩呢個故事,故事主人翁就係三國時期曹操兩位公子曹丕同曹植,哥哥曹丕一直妒忌曹植懷恨在心良久,結果响佢稱帝之後就迫細佬曹植七步成詩,結果曹植就作咗呢首《七步詩》出嚟。
故事就家傳戶曉喇!不過呢首詩甚至呢個事跡,都無响正史中出現過,好似《三國志》嘅《魏書》都無提及過呢件事。咁呢個故事响邊度嚟呢?就係來自魏晉南北朝時期筆記小說《世說新語》。响《世說新語‧文學》中對七步成詩呢個故事就有咁嘅記載:文帝嘗令東阿王七步中作詩,不成者行大法。應聲便為詩曰:「煮豆持作羹,漉菽以為汁。萁在釜下然,豆在釜中泣。本自同根生,相煎何太急?」帝深有慚色。
所以,曹植被曹丕七步成詩就未必真有其事。
原圖:電視劇《洛神》劇照