尋日就同大家講到有位中國企業家以個人行為對拍賣我國被盜文物呢件事進行挑戰，咁就有唔少史友想阿史講多啲到底我國仲有咩文物流失海外，咁就當然仲有唔少國寶級嘅文物啦，其中一樣就係「明朝永樂大帝劍」。

喺英國一間皇家軍械博物館，當中就收藏咗世界各國三千幾年嚟嘅武器，由古希臘、古羅馬、古埃及冷兵器都有，而作為鎖館之寶嘅並唔係產自英國嘅武器，反而係中國一把明朝嘅劍，呢把劍正係「明朝永樂大帝劍」！

要知道明朝係中國歷史上其中一個有極高工藝水平嘅朝代，而永樂帝朱棣更加係對武器要求好高，佢特別設立咗一個神機營研究武器，可以當時全國最好嘅工匠都眾首一堂。而據講當時全國嘅工匠就用咗幾年時間打造咗一把極致嘅寶劍出嚟，呢把劍正係「明朝永樂大帝劍」。

「明朝永樂大帝劍」全長90.3公分，劍身長76公分，雖然係以鐵鑄成，但至今六百幾年都仍然保存完整。呢把劍本身係永樂大帝贈與西藏活佛嘅禮物，所以喺劍擋浮雕係藏傳佛教神獸護法「瓊」嘅圖案，並且仲有鑲嵌紅寶石，當時嚟講真係極為珍貴。之不過，後來呢把劍就因為戰爭而落入清軍手中，喺八國聯軍時期，呢把劍就被西方列強掠奪，後來就被英國皇家軍械庫以十萬英鎊買入，至今價格遠遠超過呢個數。

原圖嚟自網絡