喺古今中外嘅歷史之中,講到打仗人數絕對係一個重大嘅優勢,軍隊嘅數量足以決定戰事嘅成敗。唔知史友們又有冇想像過,相差十倍人數嘅戰事係可以點樣反敗為勝呢?
阿史所講嘅呢場戰役,正正就係中國歷史上著名嘅以少勝多啲戰例——淝水之戰,甚至唔少史學家都認為,呢場戰役改變咗南北朝時期長期分裂嘅格局。喺前秦壽光三年,當時嘅秦主苻生想除去東海王苻堅,但苻堅就決定先下手為強誅殺苻生,自立為大秦天王。苻堅重用漢人王猛,時間去到370年 ,苻堅嘅東滅前燕,南取梁、益二州,北併吞鮮卑拓跋氏之代國,西方兼併前涼,經已統一北方。
當時苻堅好早之前就已經想攻打東晉王朝,但就因為王猛生前一直阻止而冇成事。前秦統一北方,喺王猛死後七年,苻堅就決定唔長江天險,照樣攻打東晉。苻堅當時有由羽林郎、各方胡兵、地方軍組成嘅88萬軍隊,而東晉謝安就只有8萬幾人。
結果東晉喺總管長江下游戰線,謝玄先係派譴勇將劉牢之攻打洛澗,揭開了淝水大戰序幕,以5千精兵奇襲秦軍,揭開了淝水大戰的序幕。喺秦軍緊靠着淝水佈陣之際,晉軍沖殺過去,令到秦軍一時難以招架,苻堅中流矢只帶領少數人退回淮北,淝水之戰東晉八萬軍力大勝八十餘萬前秦軍,以秦軍大敗結束。
原圖嚟自網絡