繼續同史友們介紹世界各地嘅考古發現，之前阿史都同大家介紹過酒廠嘅遺址，而迎排再次有大型葡萄酒釀酒廠遺址被發現。
近日喺伊拉克北部就出土咗一個大型葡萄酒釀酒廠遺址，佢嘅歷史可以追溯到2700年前亞述帝國時期。亞述帝國係世上最早嘅帝國之一，國土面積由今日嘅伊拉克，去到伊朗、科威特、敘利亞和土耳其等。
據報道，當地嘅考古學家就喺遺址附近搵到14件由白色岩石，就咁睇可能唔少人都以為係啲石坑，但實際上其實係巨大石盆，製造嘅年份就係公元8世紀末至公元前7世紀初。咁呢啲石盆到底有咩用呢？其實就係用嚟壓制葡萄、提取果汁同埋進行加工嘅工序，並且透過下方圓盆蒐集流出汁液，集體儲存於罐子，等待發酵後販售。
有咗呢次發現，專家就表示可以證實到亞述帝國時期葡萄酒有住好大嘅需求。