喺考古發掘過程中，發展屍體一啲都唔奇，發現乾屍就比較罕見，之不過如果講到發現到完整度極高而且冇腐爛嘅屍身，就真係諗都冇諗過！
喺內地就有一個考古學家早喺1980年就喺江蘇泰興市搵到一座500年前嘅古墓，理論上古墓嘅屍身如果經過咁長時間就應該已經腐爛晒。之不過喺考古團隊費盡九牛二虎之力出動切割機打開棺槨果陣，就發現到唔單止棺內２具屍體竟然未腐，就連鄰近發現嘅3具屍體都係咁，到底點解會咁呢？
據考古學家化驗同分析，先由最外層棺槨講起，係運用咗明朝流行嘅「澆漿墓葬」，即係先將死者放入棺材之內，再喺棺木外裹上幾層漿由糯米、蛋清、石灰和沙子等成分組成嘅漿，令到棺材之內密封，亦都令到空氣難以進入棺木。至於喺棺木之內，考古學家仲發現到燈芯草、石灰及香料以及厚重衣物，呢啲物料都令到入面嘅空間氧氣含量降低，甚至仲防止微生物繁殖，古代嘅智慧真係神奇！
原圖嚟自網絡