講到發現古老嘅化石，就算係行內嘅專家都需要打醒十二分精神先有可能喺發掘考察嘅過程中搵到古化石，但如果阿史同大家講，有遊客玩玩下都可以搵到化石，唔知大家又信唔信呢？

阿史所講嘅呢件事其實就係近排發生喺河北嘅一個公園。喺河北省邯鄲市叢台區龍湖公園，就有遊客喺遊玩嘅過程中見到一塊體積約2立方米嘅石頭，而當佢哋細心留意呢塊石頭嘅表面，就發現到表現有三十幾個位置都有大小唔同嘅古生物化石。

呢個發現引嚟唔少媒體關注，而河北省地礦局專家前往鑒定，認為呢種化石對研究古地理具有重要意義，並且推斷呢啲古生物化石係距今4.5億至4.8億年前、被稱為「化石中的海洋世界標本」嘅奧陶紀阿門角石化石。行下公園都可以搵到幾億年前嘅化石，真係諗都冇諗過！

原圖嚟自網絡