早排阿史就同大家講過一系列古代嘅酷刑，腰斬、炮烙等等嘅酷刑都因為朝代嘅進步而慢慢消失，而斬首呢項酷刑其實喺中國歷史上存在咗一段好長嘅時間，隨住封建皇朝嘅倒臺，呢種酷刑連同劊子手呢份職業都慢慢消費者。咁到底中國最後一名劊子手嘅故事係點呢？阿史今次就同大家講一講啦！
滿清最後一個劊子手名為鄧海山，要成為劊子手其實係要由細開始培養，而呢啲小朋友一般都有兩個共通點，一係屋企好窮而父母逼於無奈將佢哋嘅小朋友送走，又或者佢哋本身就係父母雙亡嘅孤兒，而鄧海山就係呢一種。
由於自細都冇父母嘅教導，鄧海山自然極為大膽，喺村長勸說之下，鄧海山亦都去跟隨老劊子手學習劊子手呢門手藝。要成為劊子手，除咗要到現場觀摩，仲要先由斬冬瓜、槐樹開始，到呢啲項目都合格師傅先至會傳授處決犯人之術，並且斬到99人就已經要收手，如果唔係就會有損陰德。
之不過，由於當時時局動盪，劊子手工作好多，每處決一個犯人就可以得到4個銀元，就等同四口之家兩年嘅開銷。鄧海山好快就搵到盆滿缽滿，之不過當佢斬到99個人嘅時候，佢仍然繼續呢個行業，直到呢個行業消失佢就已經斬首達到300人，而佢嘅晚年既冇辦法成親，出家又出唔成，最後孤苦一人咁離世。
原圖嚟自網絡