柏林圍牆倒塌

曾經一道圍牆將東德同埋西德分隔開，由於經濟發展嘅差異，唔少東德嘅人都渴望通過柏林去西德生活，甚至仲有幾十萬人挺而走險。喺1989年嘅今日，呢道象徵冷戰嘅圍牆開始倒塌。

柏林圍牆喺戰後就成為咗東西德分治嘅象徵，之不過其實喺二戰後嘅早期，柏林並冇興建圍牆，只係到咗後來西德嘅經濟發展得比東德好，為咗阻止東德嘅居民偷渡過去，前蘇聯先至興建圍牆，並且將鐵絲網加固成水泥圍牆，形成「柏林圍牆」。

喺柏林圍牆建成嘅幾十年間，有超過二十萬人成功走到西德，而喺是1989年11月9日，經過50萬人連續五日喺東柏林中心廣場抗議集會後，東德領導人為咗緩和民眾抗議浪潮，先係放鬆對東德人前往西德嘅控制，允許公民申請訪問西德。但點知呢個舉動就出現一連串錯誤，令到成千上萬嘅東德人湧向劃分東西德嘅柏林牆，好多人爬上柏林牆，以各種工具砍砸牆體，柏林圍牆喺東德居民嘅壓力下被迫開放，林圍牆甚至仲成為唔少居民嘅紀念品。