「糖丸爺爺」顧方舟 讓兒子以身試藥

「小兒麻痺症」呢個名詞喺上世紀曾經令到唔少父母萬念俱灰，但就因為一個人而令到呢種病喺中國絕跡，佢就係人稱「糖丸爺爺」嘅顧方舟。

顧方舟出生喺1926年，並且喺1950年畢業於北京大學醫學院醫學系，其後仲去過蘇聯醫學科學院病毒學研究所，絕對係當時醫學界嘅明日之星。喺上世紀五十年代，「小兒麻痺症」（又稱「脊髓灰質炎」）喺中國相當流行，只要患者不幸發病，就會引起唔同程度嘅癱瘓，以當時嘅技術根本冇辦法完全根治。

當時顧方舟就諗，醫生的確可以救到唔少病人，但如果可以喺公共衛生事業上作出貢獻，咁就更加可以令千百萬人受益。於是，顧方舟就傾畢生之力研究「脊髓灰質炎」，喺1958年他首次分離出「脊髓灰質炎」病毒，為免疫工作製定提供科學依據，最終就為我國培養「口服活疫苗」。