喺商周時期，喺當時浙江中西部地區有一個叫做「姑蔑」嘅族群相當活躍，之不過古史對於呢個族群嘅記載並唔全面，到底呢個族群係點樣呢？近排考古學家就公布咗一啲發現可以同大家講一講。

經過四年時間，考古學家就喺浙西衢州市衢江區搵到一個西周時期嘅高等級墓葬群，規格其至係同期墓葬之最。據考古學家公布，墓葬群當中就搵到10座墓葬，當中6座就已經進行正式發掘，另外四座現時就得到文物局批准發掘，當中就出土大量玉器、原始瓷器、青銅器等器物，甚至仲發現到有西周時期青銅車馬器、水晶玦、玉髓玦，唔少器物造型精美，紋飾獨特。而喺建築方面，考古人員仲搵到我國年代最早「人字形」木槨結構，足以證明呢度係一座高等級貴族墓園，甚至仲係屬王陵級大墓。

基於成個墓葬群出土唔少珍貴器物，再加上係用修建土墩嘅葬法，考古學家就認為呢種陵墓封土制度就係同姑蔑國有關，所以極有可能係姑蔑王陵，真係一次相當重要嘅考古發現啊！

原圖嚟自網絡