毅然放棄美國嘅生活，為中國奠定太空探索基石嘅錢學森，相信唔少史友都聽過佢故事，而其實喺差唔多嘅時期，我國曾經都有一位天才以公費出國，之不過佢選擇嘅路就完全唔同喇！

出生喺1918年嘅林燁係土生土長嘅中國，由於自細對學習就好有天份，所以無論係任何題目都難佢唔到，佢長大之後甚至仲考入全國頂尖學府清華大學，後來更喺1940年成為第一批出國留學學生。林燁當時喺老師幫助下就去到美國深造，喺普渡大學主修控制學、喺辛辛那提大學攻讀碩士，甚至仲遇到梁思禮，同期完成埋博士論文。

之不過喺畢業之後，佢同其他民族英雄唔同，佢反而選擇留喺美國，入到美國國防部進行導彈工程工作，佢由於表現優秀，好快就被火速提拔，成為首席科學家。去到1953年，佢更加入到波音公司工作，秘密幫美軍服務，喺當時年薪三十萬美金嘅利誘之下，佢無視當時嘅時代背景同埋國家需要，選擇為美國人賣命，喺1960年仲向美軍設計出固體多彈頭洲際導彈，足以喺美國西岸發射到中國。換言之，佢就係幫美國人製造導彈危害自己嘅同胞，同期，喺錢學森、梁思禮、林爽等科學家研究下，我國東風二號導彈於1966年問世。

喺美國人支援下，林燁繼續死心賣命，甚至喺美國組建家庭，毅然放棄國家。直到九十年代，林燁就被美軍「用完即棄」，年過半百後退居一線。但係，當佢步入晚年之後，佢想返到故鄉落葉歸根，就被中國回絕，甚至唔少國人仲表示「中國絕不會留一寸領土給叛徒」，認真可悲！

原圖嚟自網絡