唔知史友們有冇幻想過湖底到底埋藏住幾多文物古蹟呢？喺鄱陽湖每年都會有一個奇景，就係當鄱陽湖水位迅速下降進入枯水期嘅時候，就會有一座千年石島落星墩從水底露出嚟，今次阿史就同大家介紹下啦！
落星墩又名落星石，傳說係天上星星墜落鄱陽湖中變化而來，已經喺水中屹立千年，宋人蔣之奇甚至以「今日湖中石，當年天上星」嚟形容呢個奇景。落星墩唔止係一塊石咁簡單，喺宋朝初年呢度就曾經修建過亭院，歷代都有加以維修；而去到明代呢個地方又加建咗亭台樓閣，如浮玉樓、玉京軒、崗漪軒、清暉閣等，但都喺咸豐年間盡數被毀。
而今時今日島上就有一寺一塔，已經成為廬山市嘅地標性建築，一年只會出現一次，一去到豐水期時就會被鄱陽湖水淹沒，真係好似仙境咁啊！
原圖嚟自網絡