提起抗美援朝戰爭,提起參加過呢場戰爭嘅人,可能唔少史友都會諗起嘅可能都係唔同省份、城市嘅商人、甚至海外華人點樣為國捐獻,但唔講可能史友都未必知,其實當年港商亦都出過唔少力,甚至連飛機都捐過,今次就等阿史同大家介紹下啦!
抗美援朝戰爭之所以可以成功抵抗到以美國為首嘅聯合國軍,除了有我國嘅戰士奮不顧身投入戰事之外,仲有賴一眾喺後方支援嘅歸國華僑以及海外僑胞。當時為咗支援祖國反封鎖、反禁運嘅鬥爭,印尼華僑黃一飛、新加坡擔任南益公司總巡李引桐以及港商霍英東一次又一次將石油、橡膠同埋其他物資偷偷運送到祖國。
唔單止咁,為咗確保呢次戰爭可以勝利,海外華僑職員、學生、教員都積極參與捐款,響應《關於推行愛國公約、捐獻飛機大炮和優待烈屬軍屬的號召》。當時愛國華僑莊希泉、愛國港商王寬誠就分別捐咗兩億幾以及集資500萬港元,獨自捐獻一架戰鬥機,真係令人感動!
原圖嚟自網絡