提起抗美援朝戰爭參戰嘅戰士，可能唔少史友都會諗起唔同省份嘅年輕戰士，但其實當年香港嘅學生都有份參加呢場戰事，阿史今次就同大家介紹下啦！

呢場戰爭之所以可以成功抵抗到以美國為首嘅聯合國軍，除咗係因為有廣大商人同僑胞為國捐獻，最重要係有年輕嘅戰士不停前往戰線同敵人對戰。喺抗美援朝戰爭爆發嘅時候，前後有130萬中國人民志願軍參戰，香港培僑中學嘅學生係有60名學生報名參戰，近20名學生係有先後進入部隊。

早年就曾經有傳媒訪問過呢班仍然健在嘅港生志願軍，佢咃當年返到祖國報名參軍，大多都係需要入讀步兵學校，繼而要十裡挑一上戰場。而由安東渡過鴨綠江之後，戰場上係一片慘況，唔少士兵都係寒冬穿著單衣、好多班甚至仲要共用一對棉鞋，同場仲有美軍接連不斷嘅轟炸，呢啲生活真係無法想像！

原圖嚟自網絡