乾隆白菜到底係咩菜?

近排內地就有一個電台節目，當中男女主持人因為喺關於美食嘅討論意見不合，喺講到「乾隆白菜」之後就發生爭吵。相關嘅節目其後喺網絡上瘋傳，亦都令到唔少網民決定去食「乾隆白菜」。

之不過，喺食呢味菜之前，就當然要同史友們介紹下呢味菜嘅來歷啦！既然叫得做「乾隆白菜」，呢味菜就當然係同乾隆有關啦！相傳乾隆喺年三十晚微服私訪嘅時候，當時好多店舖都已經關門，但唯獨一間鋪仲有開，乾隆就係喺呢間酒家食到呢味菜，並且高度讚揚。而呢間鋪亦都唔係普通嘅酒家，而係後來相當聞名嘅「都一處」，乾隆甚至仲為店舖寫咗個牌匾。

講到呢度，相信唔少史友都想知道，到底「都一處」係一味咩菜呢？其實就好簡單，就係普通嘅白菜撕成大細適中之後，再加入芝麻醬、老陳醋、蜂蜜、白糖等調料，然後再放入冰箱冰藏先至食用。講到呢度，阿史都想試一試啊！