被譽為「雜交水稻之父」、「共和國勳章」獲得者袁隆平追思會暨靈骨安放儀式就喺長沙市唐人萬壽園陵墓舉行。袁隆平嘅家人、同事、學生都有出席呢個儀式。呢位拯救咗世界幾十億人、令唔少人類免於受到饑荒折磨嘅英雄，到底佢嘅墓地設計上有咩細節呢？
袁隆平於1964年開始研究雜交水稻，係中國研究與發展雜交水稻開創者，亦都係世界上第一個成功地利用水稻雜種優勢嘅科學家，佢成功選育世界上第一個實用高產雜交水稻品種「南優二號」。喺袁隆平院士墓前就有一塊巨石鐫刻佢生前一句話「人就像種子，要做一粒好種子」。而真正令人感動嘅細節，就係墓蓋四周環繞稻穗裝飾，墓蓋上方仲擺住兩碗米，寓意住天下人都有飽飯食。
原圖嚟自網絡