繼續同史友們介紹我國嘅最新考古發現,仰韶文化呢個考古學文化相信史友們都經常聽到,之不過提起對上一次嘅遺址發現已經係好耐之前嘅事,咁到底仲有冇更多嘅新發現呢?近排山西太原就有好消息傳嚟!

據山西省考古研究所表示,考古團隊喺當地一個中小學建設項目嘅施工區域當中,發現到一個距今有5,500年仰韶文化中期嘅遺址。要喺太原地區有呢個發現真係唔容易,相信可以為研究太原盆地新石器時代文化面貌、構建該地區史前文化序列有好大嘅幫助。

而今次考古團隊就喺遺址入面搵到仰韶時期灰坑98座,陶窯11座,房址2座,並且過程中出土唔少陶片、石器、骨器、獸骨等等,就連人具都有兩具。呢啲發現亦都意味住,史前人類嘅生活喺呢度得到延續,真係一次重要嘅發現啊!

原圖嚟自網絡