响春秋時期,越王勾踐復仇成功消滅吳國,成為中國歷史其中一個著名史蹟,而卧薪嚐膽亦成為後世人成日講嘅成語故事。咁史友又知唔知,勾踐除咗嚐膽外,相傳仲嚐埋呢樣嘢呢?

呢樣嘢就係屎喇!呢個故事最早見於東漢成書嘅《吳越春秋》。據該書所載,

越兵敗於吳後,勾踐被迫向吳請和,更成為吳王夫差嘅臣僕。為咗唔俾夫差發現佢復仇之心,於是就扮到恭恭順順咁,但仍被。有一次,勾踐得知夫差病咗三月未癒,於是就接納范蠡建議,向夫差請求嚐糞。咁理由係乜呢?勾踐就話:「下臣嘗事師,聞糞者順榖味,逆時氣者死,順時氣者生。今者臣竊嘗大王之糞,其惡味苦且楚酸。是味也,應春夏之氣。臣以是知之。」

由於勾踐通過重口味嘗糞之舉,成功判斷病情輕重,亦贏得咗夫差信任。不過佢因為嘗糞,最後因病而有口臭情況。嘩!呢件事感覺都相當核突。

原圖:《爭霸》劇照