繼續同史友們介紹世界各地嘅考古發現,對於世上恐龍嘅品種都會隨住考古發掘而不斷更新,近日巴西嘅考古學家就發現到一種新嘅恐龍品種,阿史今次就同大家介紹下啦!

巴西考古學家喺日前就公布研究成果,就宣佈喺南部巴拉那州2011年至2014年嘅考古行動當中發現嘅恐龍化石,係屬於距今7000至8000萬年前白堊紀中期嘅一種新恐龍品種,考古學家將呢個品種嘅恐龍命名為「伯莎恐龍」(Berthasaura leopoldinae)。

據了解,呢具經過復原嘅恐龍化石係有齊頭骨、下巴、脊柱、胸帶、骨盆帶以及前肢、后軀幹部分遺骸,係巴西有史以嚟發現最完整嘅恐龍化石。據專家分析,呢具恐龍係屬於食肉或者雜食性嘅恐龍,品種嚟講就係獸腳類恐龍,屬於白堊紀南半球動物群嘅重要組成部分,到底仲會唔會其他恐龍新品種呢?真係期待有更多考古發現啊!

原圖嚟自網絡