喺介紹北京烤鴨嘅時候，阿史就同大家提到係因為朱棣篡位奪權之後，先至將呢樣美食由南京帶到北京。而講起呢段歷史，阿史就想同大家介紹一個重要人物，就係被稱為「妖僧」嘅姚廣孝喇！
出家人喺歷史上都甚至同政治權鬥扯上關係，之不過呢個身為僧人嘅姚廣孝反而同呢啲世俗之事扯不唔少關係。姚廣孝出生喺一個醫生世家，喺14歲之齡就出家為僧，自此學習天台、密教、宗禪門，修持臨濟宗，仲拜埋道士席應真為師，得其陰陽、占卜之術。佢之所以被稱為「妖僧」，其中一個原因係因為佢「目三角，形如病虎，性必嗜殺，劉秉忠流也。」
而呢位人物喺洪武年間就被被其朋友宗泐舉薦，選為高僧侍奉各親王，而佢當時就同燕王朱棣相談甚歡，成功入燕。喺朱元璋死後，明惠帝即位就展開大規模削藩行動，好多位親王都紛紛獲罪、或被罷黜，而去到朱棣之前，姚廣孝就密勸朱棣起事，甚至仲親自訓練部隊、修建地穴。朱棣可以成功起義，興「靖難之師」，姚廣孝途中亦都多次出謀獻策、決定部隊進退同埋戰機，實在功不可沒。
而當朱棣攻南京即位稱帝，佢就授姚廣孝為僧錄司左善世，命其蓄髮還俗。之不過，姚廣孝拒絕咗呢個要求，亦都唔要房屋與宮女，反而繼續全喺佛寺之中，穿官服入朝議事、退朝換上袈裟，甚至後來仲輔助太子。亦都因為呢個奇怪舉動，亦係佢被稱為「妖僧」嘅原因之一。
原圖嚟自網絡