日軍旅順進行大規模屠殺

喺1894年11月22日甲午戰爭期間，日軍喺旅順就展開咗一場大規模屠殺，以報復性嘅方式屠殺咗接近兩萬中國軍民。

旅順位於中國遼東半島最南端，唔單止同威海衛隔海相望，甚至仲係北洋水師嘅重鎮，有好重要嘅軍事價值。自從甲午戰爭展開以嚟，日軍基本上就係連戰連勝，日本報紙亦都廣泛報導呢場戰事。之不過當日軍喺當年11月18日旅順周邊嘅土城子展戰鬥嘅時候，就被清軍成功反撃，仲有接近20名日軍被俘處決。

聽到呢個消息後，當時日軍第一師團長山地將軍就惱羞成怒，仲表明當日軍成功攻陷旅順嘅時候，「除婦女老幼之外，一律格殺勿論」。之不過講就咁講，但當日軍攻陷呢座「東亞第一堡壘」之後，就接連對城內嘅人展開四日三夜嘅屠殺，老幼婦女以及清兵都成為被虐殺嘅對象。而呢件慘劇就被英國船員詹姆斯·艾倫目睹並且紀錄成書。