早幾日就同史友們講到李小孩墓嘅故事，佢嘅家人以防後世有盜墓賊入內盜竊，就喺佢嘅石棺之上寫上「開者即死」字眼。雖然放到今日嚟睇，大家都知道咁樣係防止唔到盜墓，之不過其實喺古代盜墓賊都唔係樣樣陪葬品夠膽偷架！
可能唔少史友都會覺得奇怪，既然都做得盜墓賊，竟然仲有陪葬品唔敢拎？其實呢一點真係唔難理解，喺綜合咁多被盜嘅墓穴以及中國傳統文化嘅一啲信仰，基本上就有兩種物品盜墓賊都唔敢偷取，分別係玉器同埋銅錢。
陪葬用嘅玉器好多時候都係相當珍貴，之不過其實喺漢代王侯陵墓被盜果陣，喪葬殮服「金縷玉衣」並冇被偷走，盜墓賊只係偷走表面嘅金絲而遺留低玉衣。原因其實係古代人都相當迷信，同死人陪葬嘅玉又被稱為「血玉」，對盜墓賊嚟講就相當之唔吉利，所以一般都冇人敢偷。
至於銅錢唔偷嘅原因並唔係因為重，而係因為呢啲錢都係死者通往陰間嘅買路錢，假如拎走咗，墓主就好可能會搵返盜墓賊尋仇。再加上好多時候因為改朝換代嘅關係，墓中嘅銅錢可能已經冇晒價值，所以先至會被留在盜墓之中！
原圖嚟自網絡