政府宣布東京奧運國家隊運動員將會响12月3日至5日訪港，香港市民又可以一睹國家隊金牌選手嘅風采。相信史友們都會記得之前十幾廿年都有唔少國家隊金牌運動員，咁大家又記唔記得係幾時開始有國家隊奥運金牌選手訪港呢？
可能史友們都會記得第一次國家隊奥運金牌運動員訪港係1992年，但其實早於八十年代已經有奥運金牌運動員响香港進行活動，呢位運動員就係李寧喇！李寧係84年洛杉機奧運金牌得主，佢响八十年代末佢就响香港活動，包括上頒獎禮做嘉賓。而响1992年，國家隊响巴塞羅那奧運會拎到16面金牌，其後國家隊17位金牌健兒以及部分銀牌同銅牌得主組成嘅代表團訪港，當時最矚目嘅就應該係跳水隊來港表演。自此，國家隊奧運金牌運動員訪港就成為每屆奧運之後都會舉行嘅活動，而且規模仲愈嚟愈大。
原圖：無綫新聞截圖