繼續同史友們介紹我國抗美援朝時期嘅一啲英雄人物，前線同敵人奮死作戰嘅戰士就同大家介紹唔少，但要令到戰事可以順利進行，確保物資可以運送都係重要嘅一環。而喺呢場慘烈嘅戰爭當中，就有一位被稱為「人體螺絲釘」嘅人物，佢就係史阜民。
喺抗美援朝初期，其實唔單止有各路兵團前往前線作戰，仲有由原東北野戰軍鐵道縱隊擴編組成嘅中國人民解放軍鐵道兵團，亦都以工程技術兵種部隊前往戰線。喺戰事初期，以美軍為首嘅聯合國軍就企圖以頻繁轟炸志願軍運輸線嘅方式，企圖「絞殺」志願軍後勤補給。
為咗應對呢啲招數，鐵道兵團一師二團指戰員奔赴抗美援朝戰場，負責鐵路強襲同埋復舊任務，先後搶修過朝鮮戰場京元線、元漢線、滿浦線等鐵路。鐵道兵團第一師二團五連班長史阜民為咗粉碎「絞殺戰」，親身帶同部隊去到滿蒲線33公里橋搶修。一條橋樑被炸毀兩孔鋼樑，呢位條聯結三條鐵路嘅大橋就係咁被切斷。經過全連戰士搶修後，就到天光之時史阜民就發現連接最後一根鋼軌嘅兩枝37公斤鋼軌因型號不一無法對接。
眼見18列滿載軍用物資嘅列車就要通過呢度，到底點算好呢？當時史阜民就帶同扳手螺絲釘插進鋼軌接頭處，並且以人力將扳手尖深深穩定喺鋼軌孔眼當中，只要一有意外，果個人就會被捲成肉泥。但史阜民足足堅持咗一個半鐘，令到18列列車成功通過，真係名乎其實嘅鐵道英雄！
原圖嚟自網絡