近期一套愛國電影《長津湖》令唔少人關注上世紀五十年代抗美援朝呢段歷史，响內地網絡就見到幾篇關於已故香港甘草演員孫季卿嘅文章，點解呢？因為孫季卿「卿叔」响抗美援朝時期曾經參軍。
响香港出世嘅孫季卿，因為日本入侵香港而令佢返咗內地生活。孫季卿生前就透露過佢讀到高三畢業個陣正值朝鮮戰爭，惠州東江軍區招生，佢就同幾個同學去報名參軍，考入西安第一炮兵學校，就咁開始從軍生涯。仲因為表現優異而成為炮兵學校嘅射擊系助教，仲擁有中尉軍銜。據了解佢從軍生涯就無上過戰場，都係响軍校度過。
到咗1976年，卿叔就返咗嚟香港。當時佳視開台，佢本來想應徵文字工作，不過面試佢嘅粵音學者何文匯就話演員空缺，建議他一試，結果做演員一做就做咗三十年，成為家傳戶曉嘅資深甘草演員。
原圖：網絡