北京長城新發現 邊長城「敵台包磚」實物

喺唔少歷史文獻當中，喺介紹到長城結構嘅時候都會提到有一種「土邊長城敵台」嘅建築，其實就即係城牆之上用以防禦敵人嘅樓台。雖然文獻有記載，但咁多年嚟都冇人發現到有實物嘅存在，之不過近日考古人員就有突破喇！

考古人日近日就喺北京嘅延慶區土邊長城搵到敵台底部外立面，並且當中仲包砌有條石以及磚，令到呢樣「傳說」中嘅建築物終於有考古證據！據了解，本身考古人員係喺延慶區進行搶險加固工程，但結果喺清理地基嘅時候就意外搵到敵台底部外立面。

經過研究之後，呢個位於210號嘅敵台東西長12米，南北寬9.3米，高約6.3米，係屬於夯土結構，基座第一層係條石，再往上砌就係灰磚。亦都係因為呢啲結構嘅出現，令到考古人員解決咗一個問題，就係敵台先建而城牆係後修。至於點解呢啲「敵台包磚」會消失晒？專家就估計可能係自然坍塌，亦有可能會附近嘅人扒磚去興建其他建築物。