最近香港唔少明星歌手北上發展掘金，好多內地同胞都話好多兒時回憶都返晒嚟，因為唔少內地中年網民都話係睇香港電影同聽廣東歌大咁話。

粵語流行曲响八十年代紅遍神州大地，全國同胞都興聽香港出產嘅粵語流行曲，連帶當時最紅嘅譚詠麟、張國榮、梅艷芳等都受祖國同胞追捧。原因係當時正值改革開放初期，毗鄰香港嘅廣東省成為改革開放最前沿嘅地方，加上都係粵語區域，所以香港粵語流行曲就流行起嚟。記得以前睇過一個電視節講解昔日香港歌曲被內地同胞認識，係同卡式錄音帶普及有關。一來當時廣州一啲唱片公司引入香港流行曲並响內地發行，而且改革開放令社會百姓物質生活豐富咗，卡式帶播放機成為唔少家庭配備嘅家庭電器。最重要嘅係，卡式帶可以係咁複製，而呢啲「老翻」就成為咗粵語流行曲傳播到全國嘅重要途徑。

原圖：央視春晚截圖