陳翰章將軍曾遭日本割頭展覽

近排都同史友們介紹唔少日軍侵華期間我國烈士英勇作戰嘅事蹟，之不過亦都因為佢哋英勇表現而觸怒唔少日軍，有唔少仲遭遇到慘烈嘅下場，其中一個就係陳翰章將軍。

陳翰章將軍係東北抗日聯軍嘅後期領導人之一，喺九一八事變爆發後，本身從事教育事業嘅陳翰章就毅然投身教育事業，先係參加吉林救國軍，後來就做埋吉林救國軍總參謀長、中國共產黨黨員周保中助手，甚至仲喺1934年創立東北抗日聯軍，指揮鏡泊湖地區打擊日軍，先後成功攻打寧安城、炸毀日軍火藥庫，大小戰役當中打敗唔少日軍，一早就已經被日軍視為「眼中釘」。

之不過，喺1940年12月，喺同日軍嘅戰鬥中陳翰章就被判徒出賣而被日軍包圍，喺彈盡糧絕之下，年僅27歲嘅陳翰章遭日軍劃臉、割舌、剜眼之後，被日軍殘忍殺害。以為咁樣就完？喺陳翰章被殺之涕，佢嘅遺體被日軍棄置，而頭顱就被日軍帶走，初時就存放喺長春日本關東軍司令部醫務課，幾經轉輾將軍嘅遺體就被中共黨組織搵返，後來曾經被安置喺東北烈士紀念館、哈爾濱烈士陵園紀念館，目前就已經被送返吉林省敦化市下葬。