中國古代嘅文物同埋古蹟就同史友們介紹過唔少，今次就同大家講一講宮廷之內嘅一啲故事，就講下紫禁城內嘅水井啦！

作為明清兩代嘅皇家宮殿、位於北京中軸線嘅紫禁城係世界五大行宮之首，亦都係世上保存得最完整嘅木構建築。成個宮殿之內有成七十幾座宮殿、多達九千間房屋，人口眾多要解決嘅第一個問題就係水源問題。其實喺紫禁城之內有成70幾個水井，之不過奇就奇在冇人敢飲入面嘅水，反而要飲由玉泉山運嚟嘅水，到底當中有咩原因呢？

其實最簡單嘅原因講起，井入面嘅水根本唔好飲。北京嘅水自古就被稱為「苦海幽州」，但機緣巧合就發現玉泉水嘅水反而唔同，於是皇帝就派人每日到玉泉山取水。但真正原因唔單止係咁，其實喺古代嘅皇宮當中，宮廷之內發生唔少「宮鬥」嘅慘劇，井水被落毒、人被打入井水之中等等，都令到水源被污染，咁又點會有人敢飲呢？

原圖嚟自網絡