尋日就係中國第八個南京大屠殺死難者國家公祭日，喺呢個特殊嘅日子，全國上下都為喺戰爭中慘死嘅先輩哀悼。喺無數嘅史料同埋影像證據當中，我哋都可以知道呢場反人類罪行係幾咁邪惡，但到底實際情況有幾慘烈呢？阿史就想同大家介紹一組塵封咗嘅家書。

呢三頁泛黃嘅信函，喺八十三年之後重新出現，當中就係馬吉牧師喺1938年2月21日寫畀佢哥哥嘅兩封信，入面就介紹咗「南京安全區國際委員會」解散咗之後，日軍喺南京持續不斷嘅惡行。馬吉牧師喺1912年被聖公會任命為牧師並派往中國，曾經參與過援救成千上萬面臨日軍屠殺嘅中國平民，而佢喺大屠殺期間就拍攝咗好多受害者近景影片並帶到西方，呢段唯一動態嘅影像甚至仲保留至今，為揭露日軍犯下南京大屠殺罪行提供鐵證。

而馬吉牧師塵封家書就係喺連同馬吉牧師拍攝嘅記錄南京大屠殺影片膠片一併被發現，並且喺美國多個社區、大學展出，當中就提到「日本人在報紙上公布了他們如何善待這些受傷士兵等等，卻沒有提到我們支付賬單的事實，事實上他們隻字不提美國」、「我相信紅十字會接管這家醫院的確是拯救住院傷病人員生命的手段。進入那裏的第一批日本士兵肯定是野蠻之徒」、「我現在覺得讓他怒不可遏的是外國人已經在那裏接管了醫院，如果他們想幹掉裏面的傷員的話，這就有些困難了」等等重要嘅資訊。銘記歷史，勿忘國恥，絕對係每個國人都應該做嘅事！

原圖嚟自網絡