話說今年係孫中山誕辰155周年紀念暨辛亥革命一百一十周年紀念，同時亦都係孫中山紀念館十五周年館慶，為咗慶祝呢個咁特別嘅日子，孫中山紀念館就同孫中山故居紀念館合辦咗一個好特別嘅活動，阿史今次就同大家講一講啦！
呢個活動名為《四大寇──從照相重塑革命記憶》展覽期就由即日起可到三月中，當中就以好多珍貴文物同埋歷史相片去講述「四大寇」革命事迹、佢哋每個人嘅生平經歷以及佢哋中國近代革命歷史嘅啟示。
相信唔使阿史講，大家都知道四大寇分別就係孫中山、陳少白、尢列和楊鶴齡四人，之不過同佢哋有關嘅文物就真係冇乜機會可以見得晒，就好似有孫中山〈有志竟成〉篇章自述、楊鶴齡手書「天下為公」橫幅、封面鈐印「楊四寇堂」《孫文學說》以及「四大寇」合照玻璃底片等等，絕對值得大家去睇一睇！
原圖嚟自網絡