2005年12月，香港主辦世界貿易組織第六次部長級會議，而响會議舉行期間，來自韓國嘅農民組成示威團隊，進行各種反世貿示威，而响12月17日就爆發咗一場騷亂。

以反全球化同反世貿為目的嘅韓農响2005年12月聚集响香港，參與反對世貿遊行及示威行動。而响行動初期，雖然韓農有同警察發生衝突，但同時佢哋又以苦行、遊行等方式，令到抗議行動好似和平進行。但到咗12月17日，示威韓農將行動升級，同駐守灣仔嘅防暴警察多次爆發衝突。隨著暴力不斷升級，警方施放催淚彈以及出動裝甲車控制騷亂現場。騷亂持續到12月18日凌晨時分先得以平息。

有警察處前高層就話過，2005年韓農示威成為咗後嚟香港街頭激烈衝擊一個「示範」，開壞咗個頭。