今日係立法會選舉嘅投票日，係對香港未來相當重要嘅一日，而喺歷史上，12月19日曾經亦都係香港未來發展重要嘅一日，呢一日就係中英簽署《中英聯合聲明》嘅日子喇！

提起呢份聲明嘅緣起，其實就係因為《展拓香港界址專條》租約將喺1997年6月30日屆滿，而當時香港喺70年代其實有多項大型基建進行緊，要令到呢啲基建可以順利進行籌集資金，就必須先清晰了解到租契，所以就引起對香港前途問題嘅討論喇！

經過中英雙方由1983年起展開嘅多次會談，1984年12月19日中國國務院總理趙紫陽同英國首相戴卓爾夫人就喺北京簽訂《中英聯合聲明》，保證香港「一國兩制」方針50年不變。

原圖嚟自網絡