早幾日阿史就同大家講咗1984年《中英聯合聲明》簽訂嘅一啲故事,而喺隔咗差唔多二十幾年之後,中國終於就喺1997年7月1日恢復對香港行使主權。而象徵呢一件事嘅絕對就係升旗禮,不過唔講唔知,當年嘅升旗禮萬眾注目,但差啲就出咗意外,全賴當中嘅一位升旗手機智,轉危為安,阿史今次就同大家講一講啦!
其實早喺升旗禮嘅問題上,英方就已經刻意多次刁難,例如就係中國要求英國必須喺7月1日嘅零時零分完成降旗儀式並且預留三秒畀中國國歌奏樂,但係呢個合理要求就被英方百般刁難,刻意要喺7月1日零分零秒降旗;又例如喺兩國儀仗隊嘅訓練上,英國嘅訓練隊就經常遲到等等。
為咗呢場隆重嘅盛事,我國嘅升旗手朱濤就刻意苦練,由升旗去到國歌結束、國旗到頂,佢都可以做到唔抬頭望但完成成個動作,過程中佢甚至練到肌肉拉傷。時間終於去到6月30日當晚,英國代表先係講話超時,到降旗果陣英國國歌亦都奏樂奏快為我國軍樂團帶嚟首個考驗。而當時只得12秒時間,水土不服嘅朱濤一直都流緊鼻血,最終佢決定用棉花塞鼻,寧願令血倒流入肚都唔想出任何狀況,交接儀式亦都順利舉行到。呢12秒聽落好似好短,但其實就係好多人作出唔少犧牲先至做到!
原圖嚟自網絡