南非種族隔離政策喺上個世紀嚟對唔少人嚟講都係相當深刻嘅一件事，而近日南非方面就公布咗一個消息，就係生前有份對抗南非少數白人統治、廢除南非種族隔離政策嘅屠圖大主教離世，享壽90歲。
屠圖大主教早喺30歲就被授予聖職，1986年獲任命大主教，佢畢生都運用佢所學同埋自己嘅地位，去呼籲各國制裁種族隔離行徑。曾經喺英國住過一排嘅佢，曾經為咗聽到白人叫佢一聲「先生」而刻意去問路，亦都因為佢堅信南非黑人同埋白人係可以互相理解，所以佢由80年代就開始致力廢除南非種族隔離政策，所以喺1984年佢就獲得諾貝爾和平獎。
自此之後，佢亦於喺1995年開始領導「真相與和解委員會」，深入探究南非殘忍歷史。屠圖大主教亦都係曼德拉嘅好朋友，曼德拉曾經就咁樣形容呢個人物「我相信上帝在等待這位大主教，他敞開雙臂等著歡迎屠圖。若戴斯蒙（屠圖）在天堂入口被拒，那我們所有人都進不去！」
原圖嚟自網絡