木乃伊內部嘅神秘面紗一直以嚟都係唔少考古學家想窺探嘅,之不過一旦要進行呢個步驟,就意味住會對木乃伊造成一定嘅破壞,咁到底現代嘅科技又幫唔幫到手呢?近排就有考古學家嘗試用到數碼技術!
埃及旅遊和文物部嘅研究人員就嘗試用到CT掃描等技術,首次以數字嘅方式去解開阿蒙霍特普一世(Amenhotep I)法老木乃伊面部特徵等細節。據了解,呢次嘅數字還原就用到先進嘅X光技術、CT掃描技術、計算機軟件程序,第一次以「安全、非侵入、非接觸」嘅方式,將阿蒙霍特普一世木乃伊面部特徵、年齡同埋被製成木乃伊果陣嘅相關資訊還原。
而經過一系列計算,考古團隊就發現阿蒙霍特普一世被製成木乃伊果陣大概係得35歲,當時就未發現任何受傷同患病導致死亡嘅現象,而佢腦部同其他木乃伊唔同,仍然被保留喺頭骨之中,面部亦都同其父雅赫摩斯一世(Ahmose I)相似,木乃伊仲有成三十個護身符。呢次新技術嘅嘗試真係相當詳細,期待日後可以喺考古領域上廣泛利用!
原圖嚟自網絡