之前介紹過河南三門峽出土戰國時期銅編鐘，對於三門峽呢個地方，相信史友們應該都會聽過呢個地方有一個水庫同大壩，就係三門峽水庫。而呢個水庫，响過去六十幾年嚟仍然爭議不斷，存廢從未停止過。
三門峽水庫係黃河一個峽谷，北岸為山西省，南岸為河南省。响上世紀五十年代，毛澤東希望能夠將黃河治理好，後嚟新中國政府就按照蘇聯專家嘅提議，就响三門峽起一個水壩，防洪之餘又可以利用大壩作水力發電。雖然當時有中國專家提出異議，但最後呢個水利仍然獲中央政府通過，工程响1957年動工，1960年完成，1962年正式發電。由於工程浩大，三門峽水庫主壩更有「黃河第一壩」之稱。
之不過，呢個大壩响設計有好大嘅缺陷，因為當時蘇聯專家唔太了解黃河嘅特性，無設計泄流排沙孔洞大壩落成後底部淤積大量泥沙，造成回水頂托，流速減緩，影響埋渭河入黃河嘅塹口抬高，結果令呢個水利無達至治水功能，反而令陝西省不時受洪澇之苦。所以，三門峽水庫存廢爭議到今時今日都講緊。
原圖嚟自網絡