今日係1月1日，喺傳統嚟講就係「元旦」，阿史喺呢度祝各位史友新年快樂，心想事成。既然係「元旦」，就當然要同史友們介紹呢個日子啦！唔講真係未必知，其實呢個日子嘅設立，好有可能係同「大禹治水」當中嘅「禹」有關！
顧名思義，「元旦」係指曆法當中嘅首月首日，而喺我國「元旦」呢個詞早喺《晉書》當中就已經出現，雖然喺漢武帝之前嘅朝代「元旦」嘅日期都係唔一致，但概念上都係解做正月嘅第一日。咁問題嚟喇，到底呢一日最先係由邊一個制定呢？
傳說喺遠古時期，喺堯、舜盛世之時，當時佢哋在位期間都係勤政愛民，受到廣大百姓愛戴。之不過，堯嘅仔無才並唔合適去繼承首領之位。於是，當時堯決定傳位畀舜，並叮囑佢一定要將帝位傳好。如是者去到舜傳位嘅時候，佢就選擇將自己嘅位傳畀治水有功嘅禹，而結果禹都一樣做到勤政愛民。後世就將堯死後，舜帝祭祀天地嘅呢一日，當成係一年嘅開始，並且稱之為「元旦」。
原圖嚟自網絡