《寒江獨釣圖》放大十倍睇會係點？

繼續同史友們介紹我國嘅一啲經典名畫，提起「意境」嘅表現，「留白」、「虛境」同埋「實境」之間嘅轉換就相當影響到一幅畫嘅水平同境界，而阿史接下來要介紹嘅呢幅，正正就係被稱為「虛實相生，無畫處皆成妙境」嘅作品，《寒江獨釣圖》！

呢幅作品係由宋朝馬遠所繪，佢嘅技法主要係效仿唐朝，但同時亦都融入咗唔少創新，整體筆法結構非常工整嚴謹，作品色澤清潤，現存嘅《寒江獨釣圖》絕對就係佢嘅代表作！

《寒江獨釣圖》其實成個畫面都相當簡單，就係一隻小舟，一個釣魚人以及一江秋水。喺呢類作品作當，往往都會有枯樹或者遠山來襯托，但呢幅作品偏偏就冇呢啲元素，甚至仲用上大空嘅留白，就連秋水都只係用上幾道淡墨勾勒，呢種手法反而更加令到獨釣寒江嘅空寂得以表現。唔單止咁，當現代嘅人放大呢幅畫作十倍之後，甚至仲可以睇到漁翁手中魚竿竟然係有滑輪，細節真係嚇死人！可惜嘅係，自從圓明園被毀後，呢幅畫作轉輾就流入咗日本，至今都仍然未歸國。