提起故宮內嘅珍貴，可能唔少史友都會諗起各種金銀器、瓷器、字畫等等，當中唔少都價值連城。之不過，唔知史友們又有冇諗過，喺呢座明清兩代嘅皇家宮殿當中，就連一塊地磚都係唔簡單呢？
其實喺當時嘅民間，就已經流傳「一塊地磚兩黃金」嘅講法，曾經仲流傳有兩塊永樂年間嘅「金磚」被拍賣到80萬嘅高價，可見故宮地磚真係唔簡單。咁點解區區地磚又會有咁高價值呢？
原來當年朱棣遷都北京，打造紫禁城，係經過大批遴選，由於蘇州陸慕因地處陽澄湖西岸，土質細膩溫潤，制磚技藝精細成熟，磚料細密質堅，所以最終選用蘇州陸慕磚窯，後來呢度更加成為皇家御用磚窯。
據史料記載以及窯戶後代回憶，當時古法「金磚」製作主要分為取土、煉泥、制坯晾坯、燒窯窨水四個大環節，共29道工序；由取土煉泥、制坯晾坯、燒窯窨窯全部工序完成需時兩年，而且成品率只係得兩成。蘇州陸慕出品嘅「金磚」係可以做到「敲之有聲，斷之無孔」，咁多年嚟損耗率都係極低，真係配得上「金磚」稱號！
原圖嚟自網絡