相信唔少見過傳統中式建築嘅史友心目中可能都有一個問題，就係明明古代嘅中國獅子並唔係原生動物，點解中式建築嘅門前又會廣泛咁放置石獅呢？今次阿史就同大家講一講！

其實喺古代嘅文獻《漢書·西域傳》當中，就有提過其實獅子係由漢武帝派張騫出使西域之後，西域國家作為禮物咁樣送到去中國。面對呢種龐然大物，普通人見到都會望而生畏，獅子亦都係當時嘅人生目中建立咗一種不一樣嘅印象。

同樣喺漢代，當時帝王、官僚就開始係陵墓前神道兩旁嘅石刻群造像，具有震懾力嘅獅子就係咁樣畀造成石像。再加上獅子亦都係佛教聖物。隨住佛教傳入中國，獅子亦都開始得到重視，被視為係護法辟邪之物。

自此之後，石獅造像就成為咗一種傳統，經過魏晉南北朝、唐，至宋代漸入民間，去到明清年間甚至仲相當流行。

原圖嚟自網絡