喺1839年歷史上嘅今日,發生咗一件對日後清朝、甚至中國影響深遠嘅事,就係清朝道光帝任命林則徐為欽差大臣,由佢負責喺廣東省從英商手中銷毀鴉片、從民間收繳菸具,亦即係後世史稱嘅「虎門銷煙」。

自從法國皇帝拿破侖一世敗亡以及工業革命後,英國就成為當時嘅工業大國,並且由英國東印度公司大量生產鴉片,開始以「躉船」嘅方式向清朝販賣鴉片。鴉片為清朝帶來白銀外流以及各種嚴重嘅社會問題,經過一輪爭論之後,最終道光帝決心召林則徐入京,一連八日商談禁菸,並且任命林則徐為欽差大臣。

林則徐隨即南下,查封煙館,逮捕煙販、封鎖廣州十三行,並且喺1839年6月3日虎門當眾銷毀鴉片,至6月25日結束,共歷時23天,銷毀鴉片總重量2,376,254斤。

原圖嚟自網絡