唔知史友們最近有無留意一單新聞，話北京中華書局宣布即日下架由書局出版嘅《梁佩蘭集校注》。事緣有內地網民以「從未見過如此厚顏無恥之書」為題撰文，大鬧呢套書出現唔少錯字漏字，翻譯注釋內容又極多多餘位。如此劣評最後中華書局決定回收呢套書，校對更正完先再出新版。
呢件事發生之後，就有唔少人對梁佩蘭感到興趣，咁阿史都要介紹一下。梁佩蘭為明末清初詩人，同屈大均、陳恭尹被譽為「嶺南三大家」。梁佩蘭曾六次赴京參加會試，但前前後後用咗三十年時間，响60歲個年先中進士。由於年事已高，佢就無响仕途上有好大發展，反而佢响詩詞創作方面成就好高，仲响廣州城開詩社，同一群同好吟詩作對，而佢嘅《六瑩堂集》亦係後世人認識呢位嶺南詩人嘅重要作品。
講返轉頭，今次出事個套書，作者係香港某大學中國文學系教授.....