以往阿史都同史友們介紹咗唔少我國軍人喺抗日時期嘅英勇事蹟,其實抗日大刀隊痛砍日軍嘅事蹟更加係被傳頌多時,之不過其實呢段歷史都真係幾傷感架!

可能有史友睇到會問,好地地點解有槍唔用,要組一隊「大刀隊」呢?喧就要由抗日時期嘅29軍講起。29軍原本係由馮玉祥所創立嘅西北軍,由於早年部隊擴充得快,槍支彈藥都唔足夠,於是部隊就同士兵發放「大刀」,當中唔少都係長柄、寬刃、刀尖傾斜嘅傳統中國刀。

而當九一八事變爆發,日軍逼近華北之時,29軍就已經積極準備戰鬥,之不過面對裝備不足,到底應該點樣解決呢?當時29軍高級將領會議,就有人提出組建「大刀隊」,原因係西北軍唔少士氣都體力好,並且仲識得拳術、刀劍,絕對有利近戰、夜戰,當時甚至仲請嚟著名武術家李堯臣來軍擔任武術教官。

時間去到1933年,日軍一路南下,長城保衛戰亦都打響。當時29軍就出動發動奇襲,分別由217團、224團挑出500名擅長刀術嘅士兵,只帶大刀、手榴彈。結果喺312日,「大刀隊」成功揮舞大刀沖入日軍營房,砍殺大量日軍炮兵,大刀隊就此出咗名。雖然英勇事蹟係有唔少,但去到後來日軍以火力壓制亦都令到「大刀隊」死傷慘重,甚至宋哲元仲感歎「我以三十萬大軍,不能抗拒五萬敵人,真奇恥大辱。」長城保衛戰,就係喺裝備差距之下,犧牲相當大嘅一場戰爭。

原圖嚟自網絡