近日有一位對印證人類起源有相當重大貢獻嘅人物離世，佢就係助證人類源自非洲嘅著名學者Richard Leakey。
利基Richard Leakey出生喺1944年12月19日，佢嘅父母都係知名嘅考古學以及人類學家，本身冇接受過專業考古訓練嘅利基，喺向父母偷師之下就喺23歲嘅時候成功獲得美國國家地理學會資助，對圖爾卡納湖一帶展開考古發掘研究。而結果相當令人驚訝，當時利基嘅團隊就喺呢個地方搵到一批有助了解人類演化史嘅「能人」、「直立人」頭骨，當中就以1984年出土嘅一副160萬年歷史、幾乎完整嘅「直立人」骨骼化石「圖爾卡納少年」最為重要。
利基嘅一生唔單止貢獻考古學同埋人類學，佢亦都積極保護環境與野生動物，喺1989年甚至仲出任肯尼亞野生動物署長，負責打擊非法狩獵犀牛角、象牙，落實武裝反盜獵。或者係因為咁，佢一直嘅性命都受到威脅，先係因為飛機意外失去小腿，後來更加受到腎病皮膚癌、肝病折磨，並且喺日前辭世，享年77歲。
原圖嚟自網絡