近年唔知點解,响香港好似多咗人著中山裝,特別係一啲後生仔都買套中山裝嚟著,真係復古流行。
一講到中山裝,相信史友們都會諗到同孫中山先生有關,咁兩者又有乜關係呢?相傳响1919年,孫中山就搵咗上海亨利服裝店整咗套衫,呢套衫係將一套陸軍制服改成便裝。結果呢套衫,保留軍服式樣,又有便服嘅輕便,大方又得體。後嚟呢款衫就流傳至社會,成為民國時期流行男裝,亦被稱為中山裝。
話說回來,中山裝好似要有返咁上下大隻著起嚟先好睇,好似李小龍就著得好睇喇!