山西長治發現三座明代壁畫墓

普通嘅古墓就帶史友們睇過唔少，但有壁畫嘅古墓大家又見過未？近排喺山西長治就發現到有三座明代壁畫墓，阿史今次就帶大家睇一睇啦！

據山西省考古研究所公布嘅最新發現，考古團隊就喺山西省長治市發現到三座明代嘅磚室壁畫墓，三座古墓整體係呈一個「品」字形排列，根據墓葬嘅形制以及出土器物可以推斷，古墓理應就係明代早期嘅家族墓葬。

喺呢三座古墓當中，位於東南方嘅墓葬就係長方形拱劵頂磚室墓，而靠北方向以及西南方向嘅就係方形攢尖頂磚室墓，呢兩座墓葬當中四壁壁畫都係板門、直欞窗等仿木構建築及裝飾性花朵、帷幔；而喺屋面上就有白色星斗，東壁紅色太陽內繪金烏，西壁白色月亮內繪玉兔搗藥，構成日月星辰嘅景象，真係相當難得。呢次墓葬嘅發現唔單止畀考古團隊了解到明代早期家族墓葬制度，仲反映到當時嘅人「事死如事生」嘅生死觀、日月星辰嘅宇宙觀。