早排阿史就同大家介紹到荷蘭國家博物館（Rijksmuseum）以AI技術成功將1642年創作嘅《夜巡》完成修復，將原本遺失三百幾年嘅部分成功還原。而近排，《夜巡》修復工作再次升級，以一個破天荒嘅清晰度重新亮相！

《夜巡》呢幅名畫係由17世紀荷蘭黃金時代畫家林布蘭所繪畫，佢當年受受阿姆斯特丹民兵火槍隊委託創作，呢幅作品當中佢一改以往肖像畫中人物按照尊卑次序排列嘅原則，反而係以舞台化效果設計畫作。雖然係叫做《夜巡》，但其實只係因為光線昏暗而被誤會。由於原本嘅畫作實在太大，喺三百年間就被博物曾經裁走一部分，直到前排先被重新還原。

之不過，其實《夜巡》修復工作仲未完結！今次博物館就用到一部100兆像素Hasselblad H6D 400 MS相機進行拍攝，目的就係通過拍攝出8,439張尺寸為5.5厘米 x 4.1厘米單張照片，再以AI技術將呢啲照片拼接，形成一張足足有5.6TB大嘅圖像文件。喺新嘅數位化圖檔之下，《夜巡》可以任意放大、縮小，甚至可以銳利化顏料顆粒，像素達到7170億，真係不得了！

原圖嚟自網絡